Компьютерлік томография
- Суреттердің жоғары сапасы: 128 қиық ауруды ерте сатысында анықтауға мүмкіндік береді.
- Жаңалық! Астанада кеуде қуысы ағзаларының төмен дозалы КТ. Денсаулыққа қауіпсіз: сәулелік жүктеме 40%-ға аз
Контрастылы затпен мидың КТ
Ісіктерді, қабыну процестерін диагностикалау.
Мидың контрастылы затсыз КТ
Инсульт, жарақат және қан құйылу, даму ауытқуларын диагностикалау. Контрасттың сәулелік жүктемесі жоқ төтенше жағдайларда жылдам зерттеу.
Кеуде қуысы ағзаларының КТ контрастылы затпен және контрастылы затсыз
Өкпені, көкіректі және плевра қуыстарын тексеру. Пневмонияны, ісіктерді, тромбоэмболияны және жарақаттық зақымдануды, даму ауытқуларын анықтайды.
Құрсақ қуысы ағзаларының контрастылы затпен және контрастылы затсыз КТ
Бауырды, ұйқы безін, көкбауырды, бүйректі және ішекті зерттеу. Тастарды, ісіктерді, кисталарды және қабыну процестерін дәл диагностикалау.
Омыртқаның КТ (бір бөлім)
Сынықтарды, дискілердің жарықтарын, остеохондрозды және дегенеративті өзгерістерді, даму ауытқуларын диагностикалау. Сүйек құрылымдары мен буындарын егжей-тегжейлі бағалау.
Өкпенің төмен дозалы КТ
Өкпенің обырын және басқа ауруларды ерте анықтауға арналған скринингтік зерттеу. Жоғары сапалы сәулелік жүктеме 40% - ға аз.
Контрастпен КТ-ангиографиясы
Бас, мойын, кеуде және құрсақ қуысының тамырларын, қол мен аяқтың тамырларын зерттеу. Атеросклероз, аневризма, тромбоз және стеноз диагностикасы.
General Electric Revolution EVO 128
- Бір айналымға 128 қиық: 0,3 мм-ге дейін егжей-тегжейлі.
- Төмен дозалы сканерлеу: сәулелік жүктеме 40%-ға аз.
- Пациенттің ең жоғары салмағы: 150 кг-ге дейін.
- Зерттеу жылдамдығы. 15-20 минут ішінде толық зерттеу.
- Контрастты күшейту: тамырлар мен ісіктерді дәл бейнелеу.
- 3D-қайта құру: ағзаларды көлемді модельдеу.
Біздің дәрігерлер
Сәулелік диагностика бөлімшесінің меңгерушісі
Жиі қойылатын сұрақтар
КТ дегеніміз не және сәулелену бар ма?
КТ - компьютерлік томография. Зерттеу кезінде рентген сәулелері қолданылады, дозасы әдеттегі рентгенге қарағанда үлкен. Дәрігер органдар мен тіндердің жағдайы туралы толығырақ ақпарат алу үшін КТ тағайындайды.
Клиникада қандай КТ аппараты орнатылған?
General Electric (АҚШ) компаниясының 128 қиыққа арналған Revolution EVO КТ. Бұл ірі республикалық орталықтарда орнатылатын жоғары деңгейлі жабдық. Бізде сәулелік жүктемені 40% төмендететін арнайы төмен дозалы хаттамалар қолданылады.
Салмақ бойынша шектеулері бар ма?
Салмақ бойынша шегі - контрастылы затсыз және контрастылы затпен зерттеулер үшін 150 кг-ге дейін.
Зерттеу қанша уақытқа созылады?
Бір аумақты контрастылы затсыз зерттеу 15-20 минут, контрастылы затпен — 40-45 минут уақыт алады.
Нәтижелер қашан дайын болады?
Нәтижелер 24 сағат ішінде беріледі, қажет болған жағдайда одан да тез. Сіз дискіні, суретті, сипаттаманы және қаласаңыз WhatsApp немесе email арқылы электрондық материалдарға сілтеме аласыз.
Дәрігердің жолдамасы қажет пе?
Иә, жолдама қажет. КТ рентгендік сәулеленумен және контрастылы затқа аллергиялық реакциялар қаупімен байланысты, сондықтан ол тек медициналық көрсетілімдер бойынша жасалады.
Алдыңғы КТ нәтижелерін әкелу керек пе?
Егер бар болса, алдыңғы зерттеулердің нәтижелерін өзіңізбен бірге алып келген жөн. Бұл дәрігерге динамиканы бағалауға көмектеседі.
КТ-ны қашан жасауға болмайды?
Кез келген мерзімдегі жүктілік - мүлдем қолдануға болмайды. Контрастылы затпен КТ үшін қолдануға болмайтын жағдайларр: йод пен құрамында йод бар препараттарға аллергия, декомпенсация сатысындағы бүйректің созылмалы жеткіліксіздігі, гипертиреоз және қалқанша безінің басқа патологиялары (эндокринологтың кеңесі қажет).
Кардиостимулятормен КТ жасауға бола ма?
Болады, кардиостимулятор КТ үшін қолдануға болмайтын жағдай болып табылмайды.
Протездік буындары немесе тіс импланттары болса КТ жасауға бола ма?
Иә, тізе немесе ұршық буын протездері, тіс импланттары, ұстағыштар қолдануға болмайтын жағдай болып табылмайды.
Жүрек тамырларындағы стенттермен КТ жасауға бола ма?
Иә, коронарлық тамырлардағы стенттер мен шунттаудан кейінгі қапсырмалар қолдануға болмайтын жағдай болып табылмайды.
Гипсте КТ жасауға бола ма?
Ия, бірақ тек дәрігердің жолдамасы бойынша. Егер гипс зерттеу аймағында болса, ол кескін сапасын нашарлатуы мүмкін.
Металл конструкциялармен (инелер, протездер) КТ жасауға бола ма?
Ия, бірақ тек дәрігердің жолдамасы бойынша. Зерттеу аймағындағы металл конструкциялар артефактілер жасайды және кескін сапасын нашарлатады. Басқа аймақтарды зерттеу үшін бұл кедергі емес.
Линзаларда КТ-дан өтуге бола ма?
Иә, контактілі линзалар кескін сапасына әсер етпейді.
КТ-ны перманенті макияжбен және толтырғыштармен жасауға бола ма?
Иә, перманенті макияж, толтырғыштар, алтын жіптер және ұзартылған кірпіктер қолдануға болмайтын жағдай болып табылмайды.
Жүктілік кезінде КТ жасауға бола ма?
Жоқ, КТ рентгендік сәулеленуге байланысты кез келген мерзімдегі жүктілік кезінде қолдануға болмайды.
Бала емізетін әйелдер КТ-ны контрастылы затпен жасауға бола ма?
Иә, бірақ процедурадан кейін 24-48 сағат бойы тамақтандырудан бас тартып, сүтті сауып алу керек. Осыдан кейін тамақтандыруды жалғастыра аласыз.
Етеккір кезінде КТ өтуге бола ма?
Иә, цикл күні зерттеу жүргізу мүмкіндігіне әсер етпейді.
КТ-да қандай контрастылы зат пайдаланады?
Біз Германияда өндірілген Ультравист-370 құрамында йод бар контрастылы препаратты пайдаланамыз. Бұл түпнұсқа сапалы препарат. Контрастылы зат вена ішіне енгізіледі, дозасы пациенттің салмағына байланысты (ересек адам үшін шамамен 70-100 мл).
Контрастылы затпен КТ алдында креатининге талдау жасау керек пе?
Иә, міндетті түрде. КТ контрастылы зат бүйрекке әсер етуі мүмкін, сондықтан креатининге қан талдауы қажет. Талдау 10-14 күн ішінде жарамды. Сіз біздің клиникада талдау жасай аласыз — нәтижесі 1,5-2 сағаттан кейін дайын болады.
Сенбі күні КТ-ны контрастылы затпен жасауға бола ма?
Жоқ, контрастылы затпен КТ тек жұмыс күндері жасалады. Бұл аллергиялық реакциялардың ықтимал қаупіне және клиникада реаниматологтардың болу қажеттілігіне байланысты.
Екі контрастылы затпен зерттеулер арасында қандай аралық қажет?
Контрастылы затпен екі зерттеу (МРТ, КТ) арасында кем дегенде 24 сағат өтуі керек. Осы уақыт ішінде контрастылы зат организмнен шығарылады.
Рентген мен КТ арасында қандай аралық қажет?
Егер рентгенограммадан кейін КТ тағайындалса, тексерулер арасында денсаулыққа зиян келтірместен 2-3 күн аралыққа рұқсат етіледі.
Мидың, кеуде қуысының немесе сүйектің КТ-ға дайындық қажет пе?
Жоқ, арнайы дайындық қажет емес. Әдеттегі препараттарды қабылдауға болады.
Іш қуысының КТ-ға қалай дайындалу керек?
Зерттеуге екі күн қалғанда: ақ балықтың, тауықтың піскен еті, жұмыртқа, ірімшік, ақ нан, май, печенье, картоп рұқсат етіледі. Алынып тасталсын: сүйектері бар жемістер мен жидектер, қызыл ет, көкөністер, дәнді дақылдар, салат, саңырауқұлақтар, жаңғақтар, дәнді нан, тәттілер. Зерттеуге бір күн қалғанда: сағат 15.00-де 2 литр суда 2 пакент Фортрансты сұйылтып, 15.00-ден 17.00-ге дейін кішкене бөліктермен ішу керек. 1-3 сағаттан кейін сұйық нәжіс пайда болуы керек. Зерттеу күні: аш қарынға келіңіз. Контрастылы затпен КТ-да креатининге қан талдауы қажет.
Кіші жамбас ағзаларының КТ жасайсыз ба?
Жоқ, кіші жамбас ағзаларының КТ-сы жасалмайды. Бұл аймақ үшін МРТ неғұрлым ақпаратты болады.
Балаға КТ-ны қай жастан бастап жасауға болады?
КТ бала 10-15 минут қозғалмай жата алатын жастан бастап жүргізіледі. Әдетте бұл 5-7 жас, бірақ жасы жеке анықталады. Процедура кезінде ата-ана жақын жерде болуы мүмкін.
Балаларға контрастылы затпен КТ үшін қандай дайындық қажет?
Қажет: креатининге қан талдауы, ішекті тазарту (іш қуысының КТ кезінде), аш қарынға келу.
Сіз КТ-ны анестезиямен жасайсыз ба?
Иә, мұндай қызмет қол жетімді. Анестезиологтың алдын-ала кеңесі қажет.
Қол-аяққа КТ жасайсыз ба?
Жоқ, контрастылы затпен және контрастылы затсыз қол-аяқтың КТ-сы жасалмайды. Тек ортопедтердің тағайындауы бойынша аяқтың КТ топограммасы жасалады.
Орбиталар КТ-сын жасайсыз ба?
Иә, дәрігердің жолдамасы бойынша.
Самай-төменгі жақ буынның (СТЖБ) КТ жасайсыз ба?
Иә, жасаймыз.
Самай сүйектерді КТ жасайсыз ба?
Иә, тек дәрігердің жолдамасы бойынша: контрастылы затпен немесе контрастылы затсыз.
Кеуде қуысы ағзаларының контрастылы затпен КТ жасайсыз ба?
Иә, артериялық және веноздық фазаларда контрастылы затпен кеуде қуысының ағзаларының КТ-сын жасаймыз.
Қалқанша безінің КТ жасайсыз ба?
Ия, біз контрастылы затпен және контрастылы затсыз жасаймыз.
Несеп шығару жолдарының КТ жасайсыз ба?
Иә, мұндай қызмет қол жетімді.